Վաչէ Անճաօղլեան. «Կեանքիս Կէսը Հայաստանի ՄԷջ Ապրած Եմ, Միւս Կէսը` Սուրիոյ Մէջ»

Սնունդի արտադրութեան «V.S.» ապրանքանիշը Երեւանի մէջ միջինարեւելեան ճաշատեսակներու, համեմունքներու, կիսագործարանային արտադրութեամբ կը զբաղի: Թահին, լոլիկի եւ պղպեղի մածուկ, հումուս, մութապալ…այս անունները վերջին տարիներուն քաջ յայտնի են ոչ միայն սուրիահայերուն, այլեւ անոնց շնորհիւ` նաեւ հայաստանցիներուն:

Անհատ ձեռնարկատէր Վաչէ Անճաօղլեան, որ վերջերս կը մասնկացէր ՀՀ սփիւռքի նախարարութեան կազմակերպած եւ արդէն աւանդական դարձած «Սուրիահայ մշակոյթի շունչը Երեւանի մէջ» բարեգործական ցուցահանդէս-տօնավաճառին, «Հայերն այսօր»-ի հետ զրոյցին կը պատմէ, որ իր նախաձեռնած գործէն դժգոհ չէ: Ապրանքատեսակները հիմնականին մէջ կ’իրացուին Հրաչեայ Քոչար փողոցին մէջ գտնուող խանութի մը մէջ եւ քանի մը այլ երեւանեան վաճառքի կէտերու մէջ:

«Կեանքիս կէսը Հայաստանի մէջ  ապրած եմ, միւս կէսը` Սուրիոյ մէջ»,-կ’ըսէ Վաչէ Անճաօղլեան, որ իր ուսանողական տարիներն ու երիտասարդութիւնը նոյնպէս Հայաստանի մէջ անցուցած է:

 

Scroll Up