ՀՀ Սփիւռքի Նախարար Հրանոյշ Յակոբեան Այցելած Է Հայ Գիրքի 12-րդ Տօնավաճառը

Նոյեմբեր 25-էն 27, ինչպէս ամէն տարի, Ալֆորվիլի հայ մշակոյթի տունը կազմակերպած էր «Armen’Livres»  հայ գիրքի 12-րդ տօնավաճառը, որուն Նոյեմբեր 27-ին մասնակցեցաւ նաեւ աշխատանքային այցով Ֆրանսա գտնուող ՀՀ սփիւռքի նախարար Հրանոյշ Յակոբեան:

«Հայերն այսօր»-ի փոխանցմամբ` «Armen’Livres» տօնավաճառը  ամեն տարի կ’ընդունի շուրջ 2000 այցելու: Ամէն տարի կազմակերպիչները նաեւ պատուոյ հիւր կ’ընտրեն որեւէ կազմակերպութիւն կամ անհատ: Այս տարուան պատուոյ հիւրը «Արամ» կազմակերպութիւնն է, որ մեծ աշխատանք կը կատարէ յիշողութեան պահպանման եւ թուայնացման բնագաւառին մէջ:

Արդէն աւանդական դարձած տօնավաճառին ծիրէն ներս  կազմակերպուող գեղեցիկ ձեռնարկները կը նուիրուին  հայ դարաւոր մշակոյթին, նոր ոգեւորութիւն ու հետաքրքրութիւն յառաջացնելով հայութեան եւ Հայաստանի նկատմամաբ:

«Անչափ բարձր ենք գնահատում Ալֆորվիլի հայ մշակութային տան գործունէութիւնը, որ, տարիներ շարունակ հաւատարիմ մնալով հայապահպանութեանը, իր գլխաւոր նպատակն է դարձրել հայ մշակոյթը, պատմութիւնն ու աւանդոյթները պահպանելու, տարածելու եւ  դրանք նաեւ  օտարներին ներկայացնելու անչափ կարեւոր ու հայանպաստ գործը: Մշակութային տան անդամների անխոնջ ու բեղուն գործունէութեան շնորհիւ կազմակերպուել են տարաբնոյթ ձեռնարկներ, որոնք իրենց նպաստն են բերել հայութեանը, եւ պէտք է վստահաբար նշեմ, որ ձեր աշխատանքը մեծ հետք է թողել նաեւ ֆրանսահայ համայնքի պատմութեան ու տարեգրութեան մէջ»,-ողջունելով Հայ գիրքի 12-րդ տօնավաճառի բացումը, ըսած էր ՀՀ սփիւռքի նախարար Հրանոյշ Յակոբեան` նախապէս ուղարկուած ուղերձին մէջ:

1 2 3 4

 

Scroll Up