Տեղի Ունեցաւ Սուրիահայերու Հիմնախնդիրները Համակարգող Միջգերատեսչական Յանձնաժողովի Հերթական Նիստը

Նոյեմբեր 25-ին տեղի ունեցաւ Սուրիահայերու հիմնախնդիրները համակարգող միջգերատեսչական յանձնաժողովի հերթական նիստը, որ նախագահեց ՀՀ սփիւռքի նախարար Հրանոյշ Յակոբեան:

Օրակարգին մէջ էին ՀՀ պետական շահագրգիռ  գերատեսչութիւններուն կողմէ սուրիահայերու մասնագիտական վերապատրաստման, աշխատանքի տեղաւորման, հանրակրթական եւ համալսարանական ուսումնառութեան կազմակերպման ուղղութիւններով կատարուած աշխատանքներու, ինչպէս նաեւ  սուրիահայերու հիմնախնդիրներով զբաղուող շարք մը հասարակական կազմակերպութիւններու` 2016թ. ծրագիրներու ընթացքին վերաբերեալ հարցեր:

ՀՀ սփիւռքի նախարարը նշեց, որ մշտական կապի մէջ է Սուրիոյ խորհրդարանի պատգամաւոր, Հալէպի ազգային առաջնորդարանի մամլոյ խօսնակ Ժիրայր Ռէիսեանի եւ Սուրիոյ մէջ ՀՀ արտակարգ եւ լիազօր դեսպան Արշակ Փոլադեանի հետ:

ՀՀ սփիւռքի նախարարութեան նախաձեռնութեամբ ՀՀ Կառավարութիւնը լուծեց սուրիահայերու ինքնաշարժներու մաքսազերծման հարցը: Սուրիայէն Հայաստան տեղափոխուած մարդոց ինքնաշարժներու ժամանակաւոր ներմուծման հարցով յառաջացած էր  լուրջ հիմնախնդիր` ինքնաշարժներու մաքսային վճարներու հատուցման արժէքը կը կազմէր 233 միլիոն 365  հազար դրամ: 2016թ. Նոյեմբեր 18-ին ՀՀ կառավարութեան որոշմամբ ՀՀ պետական միջոցներէն համապատասխան գումարը յատկացուեցաւ:

Սփիւռքի նախարարութեան կողմէ նախապատրաստուած եւ ընթացք  տրուած է ՀՀ քաղաքացիութիւն ձեռքբերելու գործընթացքին առաջին անգամ քաղաքացիի անձնագիրը օտարերկրեայ պետութեան մէջ ՀՀ դիւանագիտական ներկայացուցչութիւններուն մէջ յանձնելու` ՀՀ կառավարութեան որոշման գործողութեան ժամկէտը եւս մէկ տարիով` մինչեւ 2017թ. Դեկտեմբեր 31-ը երկարաձգելու վերաբերեալ Կառավարութեան որոշման նախագիծին:

Նախարարը նշեց, որ 2016-2017թթ. ուսումնական տարուան նոյնպէս սուրիահայ ուսանողներու վարձավճարները կը փոխհատուցուին ՀՀ կառավարութեան, «Գալուստ Կիւլպէնկեան» հիմնարկութեան եւ Հայկական բարեգործական ընդհանուր միութեան համատեղ ֆինանսաւորմամբ:

Նախարարը ընդգծեց, որ Հայաստանի մէջ սուրիահայերու աջակցութեան եւ ընդելուզման աշխատանքները համակարգող քարտուղարութեան կազմը համալրուած է 4 հրաւիրեալ մասնագէտներով, որոնց տեխնիկական ապահովումը եւ աշխատավարձերու փոխհատուցումը կը ֆինանսաւորուի «Գալուստ Կիւլպէնկեան» հիմնարկութեան աջակցութեամբ:

ՀՀ սփիւռքի նախարարը նշեց նաեւ, որ բանակցութիւններ կ’ընթանան Քուէյթի եւ Չեխիոյ պետութիւններուն հետ Հայաստանի մէջ սուրիահայերու համար սոցիալական բնակարաններ կառուցելու ուղղութեամբ:

2016թ. ծրագիրներուն ընթացքին մասին հաշուետուութիւն ներկայացուց Ամերիկայի հայ աւետարանչական ընկերակցութեան Հայաստանի ներկայացուցիչ Յարութիւն Ներսէսեան:Ան նշեց, որ իրենց կառոյցի ուշադրութեան կեդրոնին մէջ են եւ իրենք հաւասարապէս կ’օգնեն եւ՛ Սուրիայէն հեռանալ չցանկացող, եւ՛ Հայաստան տեղափոխուող, այստեղ հաստատուիլ ցանկացող սուրիահայ ընտանիքներուն: «Սուրիահայերու օգնութեան կազմակերպման ծրագիրներու մշակման եւ իրականացման ժամանակ մենք աշխոյժ կը համագործակցինք Սփիւռքի նախարարութեան հետ», – աւելցուց Ամերիկայի հայ աւետարանչական ընկերակցութեան Հայաստանի ներկայացուցիչը:

ՀՀ սփիւռքի նախարար Հրանոյշ Յակոբեան առանձնակի գոհունակութեամբ անդրադարձաւ այն փաստին, որ Ամերիկայի հայ աւետարանչական ընկերակցութիւնը մշտապէս կ’աջակցի նախարարութեան` սուրիահայերու Հայաստան տեղափոխութեան հարցերուն մէջ:

Սուրիահայերու մասնագիտական վերապատրաստման եւ աշխատանքի տեղաւորման ուղղութեամբ կատարուած աշխատանքներուն մասին զեկոյցով հանդէս եկաւ ՀՀ աշխատանքի եւ սոցիալական հարցերու նախարարութեան «Զբաղուածութեան պետական ծառայութիւն» գործակալութեան պետ Արտակ Մանգասարեան:

Նախարար Հրանոյշ Յակոբեան առաջարկեց` սուրիահայերուն ուղղորդումը զբաղուածութեան կեդրոններ կազմակերպել առաւել հասցէական եւ կեդրոնացուած եղանակով:

Սուրիահայերու հանրակրթական եւ համալսարանական  ուսումնառութեան կազմակերպման ուղղութեամբ կատարուած աշխատանքներուն մասին զեկուցեց ՀՀ ԿԳ նախարարութեան հանրակրթութեան վարչութեան պետ Նարինէ Յովհաննիսեան:  Նշուեցաւ, որ հնարաւորինս հեշտացուած է Հայաստանի ուսումնական հաստատութիւններուն մէջ սուրիահայ երեխաներու ընդունելութիւնը, իսկ սուրիահայ ուսանողներու ուսումնական վարձերու չափը հաւասարեցուած է հայաստանցի ուսանողներու վարձերու չափին: Տիկին Յովհաննիսեան աւելցուց, որ սուրիահայ դպրոցականները աշխոյժ կը մասնակցին դպրոցական եւ համադպրոցական մրցոյթներուն, եւ կը զբաղեցնեն մրցանակային տեղեր:

ՀՀ սփիւռքի նախարարը ընդգծեց, որ կրթական ոլորտին մէջ սուրիահայերու ընդելուզումը կարելի է հիմնականին մէջ աւարտած համարել:

Հայ օգնութեան միութեան սուրիահայերու օգնութեան 2016թ. ծրագիրներու ընթացքը ներկայացուց  ՀՕՄ Հայաստանի շրջանային վարչութեան ատենապետուհի Տիանա Յովսէփեան:  Ան  զեկուցեց կառոյցին կողմէ իրականացուած  շարք մը խնամատարական օժանդակութիւններու, սուրիահայերուն տաք հագուստ, ձմեռնային կօշիկներ տրամադրելու, սուրիահայերու ձեռքի աշխատանքներէն ցուցահանդէս-վաճառքներ կազմակերպելու մասին:

ն:նիստ1նիստ2նիստ3նիստ4նիստ5նիստ6նիստ7

 

Scroll Up