ՀՀ Սփիւռքի Նախարարը Հանդիպեցաւ «Իմ Հայաստան» Համահայկական Փառատօնի Պարախումբերու Գեղարուեստական Ղեկավարներուն Հետ

Յուլիս 22-ին, «Իմ Հայաստան» համահայկական 3-րդ փառատօնի բացման ընդառաջ, ՀՀ սփիւռքի նախարարը հանդիպեցաւ աշխարհի 12 երկրէ ժամանած 42 հայկական պարախումբերու գեղարուեստական ղեկավարներուն եւ ներկայացուցիչներուն հետ:

Նախարար Հրանոյշ Յակոբեան ողջունեց ներկաները  եւ նշեց. «Ուրախ ենք ընդունել ձեզ Հայրենիքում: Սփիւռքում գործող իւրաքանչիւր պարախումբ հայապահպանութեան իրական օճախ է, եւ մենք ամէն բան պէտք է անենք նրանց գործունէութիւնը, վերելքը ապահովելու համար: Փառատօնը հնարաւորութիւն է տալիս ոչ միայն ներկայացնել ձեր ձեռքբերումներն ու տաղանդը մայր Հայաստանում, այլեւ ծանօթանալ ու բարեկամանալ միմեանց հետ: Իսկ մեր ուժը համայն հայութեան միասնութեան մէջ է»:

Նախարարը ընդգծեց, որ Սփիւռքի մէջ գործող մեր մշակութային խումբերուն համար փառատօնի ծիրէն ներս կազմակերպուած վարպետութեան դասընթացները հմտութիւններու  կատարելագործման եւ նորանոր գիտելիքներու ձեռքբերման փայլուն հնարաւորութիւն են:

«Գնահատելի է, որ տարէցտարի Սփիւռքի աւելի ու աւելի շատ համայնքներ են ցանկութիւն յայտնում մասնակցել «Իմ Հայաստան» փառատօնին, ինչը վկայում է այն մասին, որ   վայելում ենք մեր հայրենակիցների վստահութիւնն ու սէրը: Բարի երթ եւ փայլուն ելոյթներ եմ մաղթում բոլորիդ», – նշեց նախարարը:

Այնուհետեւ շնորհակալական խօսքով հանդէս եկան Ռուսաստանի Արմաւիր քաղաքի «Արմաւիր» պարախումբի գեղարուեստական ղեկավար եւ պարուսոյց Էդգար Թոխեան, Աթէնքի «Աւետիս տանս» պարախումբի գեղարուետսական ղեկավար եւ պարուսոյց Շուշանիկ Սեմերճեան, Ջաւախքի «Վաչիան» պարախումբի գեղարուեստական ղեկավար Նասլէթ Քէյեան, Թեհրանի «Զարթօնք» պարախումբի տնօրէն Լորետտա Աւետիսեան, Սպահանի «Կռունկ» պարախումբի գեղարուեստական ղեկավար Գարմէն Ղեւեան եւ «Էրեբունի» պարախումբի տնօրէն Զարենուշ Աղուրեան:

Պարախումբերու ղեկավարները նշեցին, որ Հայրենիքի մէջ մշտապէս կը զգան նախարար Հրանոյշ Յակոբեանի, նախարարութեան աշխատակիցներու եւ հայ հանդիսատեսի ջերմ վերաբերմունքը, ոգեւորութիւնը:

Հանդիպման մասնակիցները համոզմունք յայտնեցին, որ 2016թ. «Իմ Հայաստան» փառատօնի համերգները, որոնք տեղի պիտի ունենան Երեւանի, Հայաստանի տարբեր մարզերու եւ Արցախի մէջ, նոյնպէս պիտի անցնին բացառիկ ջերմ մթնոլորտի մէջ:

12 35 6 7

Scroll Up