Յունիս 29-ին ՀՀ սփիւռքի նախարարութեան մէջ տեղի ունեցաւ «Իմ Հայաստան» համահայկական 3-րդ փառատօնի բացման հանդիսաւոր արարողութեան նուիրուած քննարկում, որուն կը մասնակցէին ՀՀ սփիւռքի նախարարութեան Համահայկական ծրագիրներու վարչութեան պետ Գագիկ Գեանջումեան, «Իմ Հայաստան» համահայկական փառատօնի գեղարուեստական ղեկավար Էդուարդ Եսայեանց, նախարարութեան աշխատակիցներ եւ փառատօնի ստեղծագործական կազմը` Լեւոն Գալստեան, Կարէն Գէորգեան եւ Սուրէն Ռշտունի:

«Հայերն այսօր»-ի փոխանցմամբ` հանդիպման ընթացքին քննարկուած են ստեղծագործական եւ կազմակերպչական հարցեր, որոշուած են յետագայ ընելիքները:

Աւելցնենք, որ ՀՀ սփիւռքի նախարարութիւնը, ՀՀ Նախագահի բարձր հովանիի ներքոյ, 2016 թուականին կ’իրականացնէ «Իմ Հայաստան» համահայկական 3-րդ փառատօնը` նուիրուած ՀՀ Անկախութեան 25-ամեակին: Փառատօնը կ’ընթանայ հետեւեալ ուղղութիւններով`

1. «Պարարուեստի օրեր» (Յուլիս 20-30),
2.  Ասմունքի համահայկական փառատօն Շուշիի մէջ (Օգոստոս 1-5),
3.  «Երգչախմբային արուեստի օրեր» (Օգոստոս 5-10),
4.  «Տուտուկի եւ հայկական այլ նուագարաններու փառատօն»(Սեպտեմբեր 21-26),
5.  «Հայ երգի օր» (Սեպտեմբեր 26)