Թուրքիոյ սեւծովեան Կիրեսուն նահանգի համանուն համալսարանի ատրպէյճանական ծագումով տնօրէն Այկիւն Աթթարը թուրք իրաւաբան Ալի Չելիքայայի հետ համատեղ դատական հայց  ներկայացուցած են քրտամէտ «Ժողովուրդներու դեմոկրատական կուսակցութեան» (ԺԴԿ-HDP) համանախաահ Սելահաթթին Տէմիրթաշի դէմ:

Անոնք Տէմիրթաշին կը մեղադրեն Թուրքիոյ քրէական օրէնսգիրքի 216-րդ եւ 304-րդ յօդուածներու դրոյթները խախտելու, այսինքն «Ժողովուրդի մէջ ատելութիւն եւ թշնամութիւն սերմանելու» եւ «Պետութեան դէմ պատերազմ հրահրելու» մէջ:

«Հայցին մէջ մասնաւորապէս նշուած է, որ Տէմիրթաշն իր ռուսաստանեան այցի ժամանակ անդրադարձած է Ղարաբաղի մէջ տեղի ունեցող վերջին զարգացումներուն: Ան Ղարաբաղի մասին արտայայտուած է «Լեռնային Ղարաբաղի ինքնավար հանրապետութիւն» ձեւակերպմամբ, որ ճիշդ չէ, քանի որ Ղարաբաղի մէջ երբեք ինքնավար հանրապետութիւն չէ ստեղծուած»,- ըստ Ermenihaber-ի` կը գրէ Hurriyet-ը:

Տէմիրթաշին դատի տալու պատճառ  դարձած է ոչ միայն Ղարաբաղի մասին եղած արտայայտութիւնը, այլ նաեւ  շարք մը միտքեր Սուրիոյ մէջ ռուսական կործանիչի խոցման եւ Քոպանիի դէպքերուն վերաբերեալ: