ՀՀ սփիւռքի նախարար ազնուափա՛յլ տիկին, Հրանոյշ Յակոբեան,

Հհ սփիւռքի նախարարութեան անձնակազմ,

ՀՀ սփիւռքի նախարարութեան եօթամեակի առիթով կը շնորհաւորեմ բոլորս: Աշխարհասփիւռ  հայութեան եզակի կառոյցը, որ կը կամրջէ հայկական համայնքները իր նոր մարտահրաւէրներով եւ  21-րդ դարու դիմագրաւած դժուարութիւններով, կ’իրականացնէ անհնարինը` բոլոր խնդիրներուն լուծում գտնելու համար:

Ողջունելի է Հրանոյշ Յակոբեանի ղեկավարութեամբ նախարարութեան գործունէութիւնը եւ յատկապէս այն, երբ Տերսիմի եւ Տիարպեքիրի մէջ ապրող ծպտեալ հայերը մասնակցեցան “Արի տուն” ծրագրին:

Եւ անկարելին կարելի դարձնելու ջանքերով` նախարարութիւնը կը շարունակէ կեանքի կոչել նոր ծրագիրներ:

Ողջունելի է, երբ  հա­յա­պահ­պա­նու­թեան, ազ­գա­յին ար­ժէք­նե­րու  տարածման ու պահպանման համար կը պարգեւատրուին Սփիւռքի մէջ ապրող անհատներն ու գործող կառոյցները: 2015 թուականի Յուլիս 22-ին ռատիօ “Այգ”-ը եւս ՀՀ սփիւռքի նախարարութեան կողմէն առաջին կարգի մրցանակի արժանացաւ` հայապահպանութեան, Հայաստանն ու Սփիւռքը կամրջելու, հայոց լեզուն ու հայկական մշակոյթը պահպանելու առաքելութեան համար:

Ողջունելի է նաեւ տեղեկատուական դաշտի համախմբումն ու նպատակուղղուած աշխատանքը, այն քննարկումները, որոնք կը խթանեն են համագործակցութեան ծաւալման, երբ Սփիւռքի ներկայացուցիչները առիթ կ’ունենան համախմբուելու եւ արծարծելու նոր  հեռանկարներ:

Ողջունելի է արեւմտահայերէնի եւ արեւելահայերէնի մերձեցման խնդիրներուն նուիրուած համաժողովը, որուն ժամանակ հնարաւոր եղաւ լսել օգտակար զեկուցումներ` գրական երկու լեզուաճիւղերուն առնչուող խնդիրներու, ուղղագրութեան միասնականացման դասական հիմքերու մասին:

Մեր սէրն կը փոխանցենք եօթամեայ Սփիւռքի նախարարութեան`  մաղթելով այնքան եռանդ, որ կարելի ըլլայ նուաճել նոր հորիզոններ:

Կապոյտ հորիզոններ Ձեզի եւ համայն հայութեան:

Ռատիօ “Այգ”-ի հիմնադիր-տնօրէն

Շաքէ  Մանգասարեան