Օրերս Արժանթինի մէջ  թողարկուած է  արժանթինահայ  երգիչ Արման Գասպարեանի «Մասիսն է կանչում կարօտած հայուն» ձայնասկաւառակը` բարերարներ Ալվարօ  Ռոպերթօ Օհաննէսսեանի, Ճորճ Մուրեկեանի, Աւօ Թոքաթթեանի, Մանուկ  Ղազարեանի, Սերխիօ Սաւոնէի եւ Մարիամ Կամալակեանի (ամուսիններ)  աջակցութեամբ:

«Հայերն այսօրի» թղթակիցին հետ զրոյցին երգիչը ըսաւ, որ ձայնասկաւառակին մէջ  ընդգրկուած են տաս ստեղծագործութիւններ, որոնք հիմնականին մէջ հայկական-ժողովրդական կատարումներ են եւ  սպաներէն լեզուով մէկ երգ: Իսկ ձայնասկաւառակի համանուն վերնագիրով յատուկ երգ  գրուած է եւ տեսահոլովակ նկարահանուած:  Տեսահոլովակին մէջ արտացոլուած են Հայոց  ցեղասպանութեան եղերական էջերը:

«Ծնած եմ 1978 թուականի Ապրիլ 24-ին, մանկութեան տարիներէն կը յիշեմ, որ այդ օրը մարդիկ համատարած տխրութեան մէջ էին: Ես փոքր էի, ու այդ պատճառով չէի ընկալեր օրուան խորհուրդը: Արդէն գիտակից տարիքի մէջ իմ առջեւ նպատակ դրի Հայոց ցեղասպանութեան անմեղ նահատակներու յիշատակին որեւէ աշխատանք կատարել, որուն պատեհ առիթը դարձաւ հէնց Հայոց ցեղասպանութեան 100-րդ տարելիցը»,-իր խօսքը եզրափակեց Արման Գասպարեան: