Ռիօ տը Ժանէյրոյի մէջ ընթացող Ողիմպիական խաղերուն Հայաստանի հաւաքականը 3-րդ արծաթէ մետալը նուաճեց:

Ծանրամարտի գերծանր քաշային կարգին մէջ (105+) Գոռ Մինասեան երկամարտին արձանագրեց 451 քիլոկրամ արդիւնք եւ դարձաւ արծաթէ մետալակիր: Պոկում վարժութեան մէջ մեր մարզիկը երեք անգամ բարձրացուց ծանրաձողը, որոնցմէ ամենածանրը 210 քիլոկրամանոցն էր: Հրում վարժութեան մէջ Մինասեան իր գլխավերեւը պահեց 241 քկ ծանրաձողը:

Մեր միւս ծանրամարտիկը` Ռուբէն Ալեքսանեան գրաւեց 4-րդ տեղը: Ան պոկում վարժութեան մէջ  արձանագրեց 195, իսկ հրումի` 245 քկ արդիւնք: Անոր ընդհանուր ցուցանիշն է 440 քկ: Յատկանշական է, որ Ալեքսանեան իր վերջին մօտեցման ժամանակ պատուիրած էր 254 քկ, որ բարձրացնելու պարագային կը նուաճէր պրոնզէ մետալ, սակայն անոր երկու փորձերն ալ անյաջող էին:

Առաջին տեղը գրաւեց վրացի Լաշա Թալախաձեն, որ արձանագրեց համաշխարհային ցուցանիշ` 473 կգ: Պոկում վարժութեան մէջ վրացին բարձրացուց 215, իսկ հրումի` 258:

Պրոնզէ մետալին արժանացաւ մէկ այլ վրացի Իրաքլի Թուրամանիձէն` 448 քկ (207+241):

Աղբիւր` armsport.am