Արևելահայերեն
Русский
EnglishՀենրիխ Մխիթարեան Շնորհակալութիւն Յայտնած Է Երկրպագուներուն
«Մանչեսթըր Եունայթըտ»-ի եւ Հայաստանի հաւաքականի կիսապաշտպան Հենրիխ Մխիթարեան անգլիական ակումբին հետ Չինաստան կատարած մրցաշրջագայութենէն ետք շնորհակալութիւն յայտնած է երկրպագուներուն ջերմ ընդունելութեան համար:
«Այնքան շատ սէր ու կիրք Չինաստանի մէջ մեր երկրպագուներէն: Շնորհակալութիւն գերազանց ընդունելութեան եւ դրական յոյզերու համար»,- գրած է Հենրիխ Մխիթարեան ֆէյսպուքեան իր էջին վրայ:
Յիշեցնենք, որ Շանհայի մէջ «Մանչեսթըր Եունայթըտ»-ը 1:4 հաշուով պարտուած է Տորթմունտի «Պորուսիային»: Ժոզէ Մոուրինեոյի գլխաւորած խումբի միակ գնդակը խփած էր Հենրիխ Մխիթարեան: Յուլիս 25-ին Փեքինի մէջ պէտք է տեղի ունենար «Մանչեսթըր Եունայթըտ» – «Մանչեսթեր Սիթի» հանդիպումը, սակայն անբարենպաստ եղանակային պայմաններու պատճառով խաղը տեղի չունեցաւ:
