ՇՎԵՅՑԱՐԻԱՅԻ ՀԱՄԱԴԱՇՆՈՒԹՅՈՒՆՈՒՄ

ՀՀ ԴԵՍՊԱՆ Ն.Գ. ՇԱՌԼ ԱԶՆԱՎՈՒՐԻՆ

Մեծարգո պարոն Ազնավուր,

Խորին հարգանքով և ջերմությամբ շնորհավորում եմ Ձեզ 90-ամյակի առթիվ:

Ձեր երգարվեստով համայն մարդկության համար Դուք դարձել եք կենդանի լեգենդ: Այսօր էլ Ձեր վաստակած տարիների բարձունքից պատանեկան յուրօրինակ խանդավառությամբ եք իրականացնում Ձեր առաքելությունը` բարձր պահելով հայության պատիվն աշխարհում, դառնալով տաղանդի ու աշխատասիրության շնորհիվ բարձունքներ նվաճած հայի խորհրդանիշ:

Թե´ Հայաստանի, թե´ ողջ Սփյուռքի մեր հայրենակիցների համար Դուք մաքառող հայի օրինակ եք, և Ձեր տեսակով, Ձեր գործունեությամբ նպաստում եք հայապահպանությանը: Ձեզանով հպարտ է յուրաքանչյուր հայ, ում համար ուսանելի են Ձեր արվեստն ու գործը, կյանքի բովում ձեռք բերված  Ձեր փորձը:

Մաղթում եմ Ձեզ բեղուն ստեղծագործական գործունեութուն, եղեք առողջ, ապրեք երկար և շարունակեք պարգևել մեզ Ձեր անզուգական արվեստն ու անփոխարինելի ներկայությունը:

ՀՐԱՆՈՒՇ ՀԱԿՈԲՅԱՆ