Թուրքիայի քրդաբնակ տարածաշրջանի կենտրոն Դիարբեքիրի «Դիջլե» («Տիգրիս») համալսարանի նախաձեռնությամբ իրականացվող «Քարի վարպետների ուսուցում» ծրագրի շրջանակներում մի խումբ թուրք դատապարտյալներ այցելել են հայկական Սուրբ Կիրակոս հայկական եկեղեցի:

Ինչպես հաղորդում է «Արմենպրես»-ը` վկայակոչելով թուրքական Haberler.com-ը, Դիարբեքիրի բաց բանտում գտնվող ազատազրկվածները հայկական եկեղեցում հնարավորություն են ստացել ստացած տեսական գիտելիքներն ավելի ամրացնել:

Սուրբ Կիրակոսում դատապարտյալներին ներկայացվել է եկեղեցու վերանորոգման պատմությունը: Համասլարանի ուսանողներից Ադնան Նաբիքօղլուն պատմել է, որ դեռևս տեսական դասերի ժամանակ դատապարտյալներին ցուցադրվել են եկեղեցու լուսանկարները վերանորոգումից առաջ և հետո: Սուրբ Կիրակոս հայկական եկեղեցում լինելը հիանալի հնարավորություն է տվել նրանց սեփական աչքերով տեսնել եկեղեցու քարերն ու դրա կառուցվածքը: Այցելության վերջում դատապարտյալներն իրենց գոհունակությունն են հայտնել այցելությունից:

Դիարբեքիրի Սուրբ Կիրակոս հայկական եկեղեցին Մերձավոր Արևելքի ամենամեծ քրիստոնեական եկեղեցին է: 2012 թվականի նոյեմբերի 4-ին` 32 տարվա ընդմիջումից հետո այստեղ կատարվեց վերանորոգմանը հաջորդած առաջին եկեղեցական արարողությունը:

Նույն օրը եկեղեցում տեղի ունեցավ նաև առաջին պսակադրությունը: Սուրբ Կիրակոս եկեղեցու վերանորոգման աշխատանքներն իրագործվել են Պոլսի Հայոց պատրիարքարանի ֆինանսական աջակցությամբ: Աշխատանքներին աջակցություն է ցուցաբերել նաեւ Դիարբեքիրի քաղաքապետարանը: Վերակառուցվել էր եկեղեցու զանգակատունը, որը վնասվել էր 1915-ին` ռմբակոծությունից:

Եկեղեցու գմբեթն ամենաբարձրն էր քաղաքում, եւ մզկիթների մինարեներից բարձր չլինելու համար մահմեդականներն ավերել էին այն:

Թեև Սուրբ Կիրակոս եկեղեցին մինչեւ 1980թ. գործել է, սակայն, նրա զանգերը միայն 2012 թվականի նոյեմբերի 4-ին են կրկին ղողանջել 97 տարի անց:

 http://armenpress.am/