Լիբանանահայ հայրենադարձ երգիչ Գևորգ Հաճյանը համերգով հանդես կգա Նոր շենում

Համազգային հայ կրթական և մշակութային միության նախաձեռնությամբ Մարտունու շրջանի Նոր շեն գյուղի մշակույթի տանը սեպտեմբերի 28-ին, ժամը՝ 18:00-ին տեղի կունենա լիբանանահայ հայրենադարձ երգիչ Գևորգ Հաճյանի համերգը՝ նվիրված Հայաստանի Առաջին Հանրապետության 100, Համազգային հայ կրթական և մշակութային միության 90 և Արցախյան շարժման 30-ամյակներին:

Այս  մասին   «Արցախպրես»-ի թղթակցի  հետ  զրույցում  ասել  է Համազգային հայ կրթական  և մշակութային միության Արցախի   գրասենյակի  պատասխանատու Հերմինե Ավագյանը:
Նա  նշել  է, որ  համերգին  Գ. Հաճյանի   կատարմամբ    կհնչեն   ազգային-հայրենասիրական  երգեր: Համերգին   ազգագրական    պարերով   կմիանան  «Տնջրե»  ավանդական երգի և պարի, ինչպես  նաև  Նոր  շենի «Մոնթե»  համույթները:
Մեր   զրուցակիցը   տեղեկացրել  է  նաև, որ  Գևորգ Հաճյանը  համերգային  ծրագրերով  հանդես  է  գալու   նաև  ԱՀ  ՊԲ  զորամասերում:
Scroll Up