Արևմտահայերեն
Русский
EnglishՀայկական թատերական ներկայացում Բելգիայում
Հայաստանի Առաջին Հանրապետության 100 և Երևանի 2800-ամյակին նվիրված տոնակատարությունների շրջանակներում Բելգիայի «Նարեկ» հայկական մշակութային միությունը կազմակերպել էր ճանաչված դերասաններ Հայկ և Գոհար Սարգսյանների «Իմ տունը կամ անկախ ամեն ինչից» թատերական ներկայացման առաջնախաղը:
Ինչպես «Հայերն այսօր»-ին հայտնում է «Նարեկ» միության նախագահ Արտակ Ժամհարյանը, մեկ գործողությամբ կատակերգությունը բելգիահայ հանդիսատեսի կողմից ընդունվեց մեծ խանդավառությամբ:
Ներկայացումը բազում զվարճալի և հուզումնալի պահեր նվիրեց հանդիսատեսին, վերջինս առիթ ունեցավ տխրելու և հրճվելու, հերոսների հետ խորհելու արտագաղթի, հայրենիքի, ազգի, ընտանիքի և այլ արդիական խնդիրների շուրջ:
«Նարեկ» մշակութային միությունն իր շնորհակալություն է հայտնում դերասաններին և խորին համոզմամբ հայտնում, որ Սփյուռքում շատ պահանջված են նման բարձրարժեք մշակութային գործերի, ինչպես նաև արվեստի տաղանդավոր գործիչների հետ հաղորդակցվելու պահանջը:
