23/03/2017   Նորություններ   No comments

Դաս-միջոցառում՝ նվիրված Տիգրան Չուխաջյանի ծննդյան 180-ամյակին

Մայիսի 11- ը Տիգրան Չուխաջյանի ծննդյան օրն է: Երևանի Մ. Գալշոյանի անվան հ. 148 ավագ դպրոցի պատմության ուսուցչուհի Կ. Մովսիսյանը, ՀՀ սփյուռքի նախարարության «Մեր մեծերը» ծրագրի շրջանակներում,  XII դասարանի աշակերտների հետ կազմակերպել էր ուսանելի մի դաս`  նվիրված հրաշալի կոմպոզիտորին,  հայ երաժշտական թատրոնի հիմնադրին:

Ինչպես «Հայերն այսօր»-ին հայտնում է դպրոցի ուսուցչուհի Կ.Մովսիսյանը,  աշակերտները պատմեցին Տ . Չուխաջյանի կյանքն ու ստեղծագործությունը` խորությամբ մեկնաբանելով նրա գլուխգործոցները, այնուհետև ունկնդրեցին հատվածներ օպերաներից և օպերետներից, հետաքրքրությամբ լուծեցին երաժշտական խաչբառեր:

Աշակերտները խնամքով պատրաստել էին և ներկայացրին թեմատիկ տեսանյութ, որը պատմում էր կոմպոզիտորի կյանքի և գործունեության մասին:

Դասի վերջում աշակերտները հնչեցրին «Զեյթունցիների քայլերգը», որով էլ ավարտվեց ճանաչողական ևս մեկ դաս: Այն ուսանելի էր և ամրապնդեց միջառարկայական կապը ուսումնական գործընթացում:

%d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b6%d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b61 %d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b63

  1. Միջոցառում՝ նվիրված Վահե Հայկին
  2. Բաց դաս՝ «Մեր մեծերը» ծրագրի շրջանակներում
  3. «Սևրից մինչև Լոզան». բաց դաս-միջոցառում Ակնալճի միջնակարգ դպրոցում
  4. Գրիգոր Զոհրապի 155-ամյակին նվիրված միջոցառում Եղեգի միջնակարգ դպրոցում
Scroll Up