2016 թվականի օգոստոսի 20-ին Հալեպում կայացել է Կարե Եփփե ճեմարանի տնօրեն Հակոբ  Քիլեջյանի և նույն   կրթարանի ուսուցչուհի Նանար Պապյանի  պսակադրության արարողությունը:

Այս միությունը հայկական ընտանիքի կենսունակության յուրօրինակ վկայություն է: Պատերազմական իրավիճակում, արկերի ու հրթիռների շաչյունի  ներքո ստեղծվել է մի նոր հայկական ընտանիք, որն ապացուցում է այն հայտնի ճշմարտությունը, թե՝ ով չի ուզում մեռնել, նա ապրում է… Ապրում է արարելով ու ապրեցնելով, մահին հաղթում՝ ծնունդով ու պսակով:

Մայր հայրենիքից մեր ջերմ ու անկեղծ շնորհավորանքն ենք հղում Հակոբին ու Նանարին: Ցանկանում, որ Աստծուց օրհնություն ստացած այս զույգը ստեղծի ամուր ու հայեցի, հայրենապաշտ  ընտանիք, ուր  մշտապես կթագավորեն  խաղաղությունն ու սերը, ուր հայկական ժողովրդական  պատգամով՝ յոթ  որդով սեղան կնստեն:

Թո՛ղ նրանց գեղեցիկ ու ներդաշնակ միությունը սիրիական պատերազմի ավարտի յուրօրինակ խորհրդանիշը դառնա: Պատերազմներին հաղթենք  ապրելով և   շատանալով:

Սիրով՝  ՀՀ  ՍՓՅՈՒՌՔԻ ՆԱԽԱՐԱՐՈՒԹՅՈՒՆ

24. 08. 2016