Մայիսի 30-ին ՀՀ սփյուռքի նախարարությունում հյուրընկալվեցին Ռամկավար ազատական կուսակցության (ՌԱԿ) վարչության նորընտիր անդամները: Նրանցից՝ Ջեննի Գրիգորյան-Բարսեղյանի հետ զրուցել է  «Հայերն այսօր»-ի  թղթակիցը:

-Տիկի՛ն  Ջենի, ՌԱԿ-ի նորընտիր վարչության  կազմում Դուք առաջին և միակ  կինն ե՞ք:

-20 տարվա մեջ ես երկրորդ կինն եմ: Արդեն 22 տարի է, ինչ անդամկցում եմ ՌԱԿ-ին: Դամասկոսից եմ: Մինչև  պատերազմը ես տարբեր վարչություններում եմ աշխատել՝ կրտսերաց, պատանեկան, իսկ վերջին տարիներին Տիկնանց վարչության  ատենապետուհին էի: Պատերազմն սկսվելուց հետո տեղափոխվեցինք այստեղ:

-Կանայք  ի՞նչ  դերակատարում ունեն կուսակցության ներսում:

–Պիտի ասեմ, որ կանայք մեծ թիվ են կազմում կուսակցության ներսում  և, հավատացեք, որ հաճախ տղամարդկանցից ավելի ակտիվ են. մանավանդ Դամասկոսում կանայք էին նյութական բերողը;

–Տեղյա՞կ  եք  Արցախի հետ ունեցած ծրագրերից:

-Կան ծրագրեր. շատ շուտով պիտի գործադրվեն:Արցախում մենք ունենք մեր գրասենյակը, որի ատենապետը պարոն Գալստյանն է:  Մենք մշտապես կապ ունենք Արցախի հետ,բնականաբար, կա  ակտիվ համագործակցություն:

-ՌԱԿ-ի ներսում գործող Տիկնանց միությունն  ի՞նչ  աշխատանքներով է զբաղված:

–Հիմնականում՝ մշակութային ծրագրերի իրականացմամբ:

-Տիկի՛ն  Ջեննի, ո՞րն է  Ձեր որդեգրած  կուսակցության հիմնական  առաքելությունը:

-Հիմնականում հայապահպանությունն է մեր գերխնդիրը. անում ենք ամեն ինչ, որպեսզի երեխաները հայ մնան, չմոռանան իրենց մայրենին, որ  ընտանիքներում պահպանվեն հայկական ավանդույթները:

–Համագործակցո՞ւմ եք ՀՀ սփյուռքի նախարարության հետ:

-Անշո՛ւշտ: Սփյուռքի նախարարության հետ մեր կապերը շատ ամուր են. այն հայության հավաքական  տունն է, ընտանիքն ու տանիքը:

Կարինե Ավագյան