Սեպտեմբեր և հոկտեմբեր ամիսներին ՀՀ Սփյուռքի նախարարության և «Արմենպրես» հայկական լրատվական գործակալության ջանքերով ՌԴ Աստրախան, Վոլգոգրադ և Կրասնոդար քաղաքներում կազմակերպվելու է լուսանկարների շրջիկ ցուցահանդես՝ «Հայաստա՛ն, հավերժական իմ սեր» վերտառությամբ։ Այն նվիրվում է ՀՀ և ԼՂՀ անկախության 25-ամյա հոբելյաններին և նպատակաուղղված է տեղեկատվություն տրամադրելու անկախության տարիներին ՀՀ արտաքին քաղաքականության, տնտեսության, գիտության, մշակույ­թի, ճարտարապետության, սպորտի, տուրիզմի բնագավառներում ձեռքբերումների մասին։

«Հայերն այսօր»-ի փոխանցմամբ՝ ցուցադրությունն ունենալու է 7 թեմատիկ բաժին՝ Անկախությունը՝ բարձրա­գույն արժեք, Դժվարին հաղթանակ, Ազգային հերոսները, Հիշում ենք և պահանջում, Հույսի Հայաստան, Հավատի Հայաստան. Ուխտագնացություն առաջին քրիստոնյա երկիր, ՀՀ Նա­խագահի հանդիպումները, որտեղ ներկայացվելու են շուրջ 100 լուսանկար։

Ցուցահանդեսը կմեկնարկի Աստրախանում, ապա կտեղափոխվի Վոլգոգրադ և Կրասնոդար։